ခင်ဗျားဟာ ဖုန်းအသစ်လဲရာမှာ ခြေအိတ်အသစ်လဲတာထက် အကြိမ်တွေ များချင်များမယ်။ ပြီးတော့ ကွန်ပျူတာကိုလည်း တနှစ်တခါလောက် အဆင့်မြှင့်ချင်မြှင့်မယ်။ အဝတ်ဗီရိုကိုလည်း ရာသီအလိုက် အမျိုးမျိုးပြင်မယ်။ ဒါ့အပြင် ခင်ဗျားစီးနေတဲ့ ကားကိုလည်း ပိုကောင်းမယ်ထင်တဲ့ကားနဲ့ အလိုက်ပေးပြီး ၄-၅ နှစ် တခါလောက် လဲချင်လဲလိုက်ဦးမယ်။ ဒါပေမဲ့ မေးချင်ပါတယ်။ ခင်ဗျားကိုယ် ခင်ဗျားတော့ ယိုယွင်းကျဆင်းလာနေတာတွေကို ပြန်တက်လာအောင် ဆိုပြီး ဘယ်တုန်းကများ လုပ်ခဲ့ဖူးပါသလဲ။
အဲဒီလို ကိုယ့်ကိုယ်ကိုယ် ဦးခေါင်းမှ ခြေဖျားအထိ ဒီနှစ်မှာတော့ ပိုပြီး ကျန်းမာအောင် ချမ်းသာအောင်နဲ့ ပညာဉာဏ်တွေ တက်လာအောင် လုပ်ချင်ရင်လုပ်နိုင်စေမယ့် နည်းလမ်းကလေးတွေကို ဖတ်ကြည့်ပါ။ လုပ်လည်းလုပ်ကြည့်ပါ။
အသက်ပိုရှည်စေဖို့---
ကမ္ဘာတဝန်းမှာ လူ့သက်တမ်းဟာ ပျမ်းမျှအားဖြင့် ၆၇-နှစ်သာ ရှိပါတယ်။ ဒါပေမဲ့ မကြာခင်မှာ အသက်တွေ ပိုပြီး ရှည်ရှည်နေနိုင်လာမယ့် အလားအလာတွေ ရှိနေပါတယ်။ အသက် ၁၅၀-ရောက်တဲ့အထိ ယိုင်ယဲ့ယဲ့နဲ့ မေ့မေ့လျော့လျော့တွေ မဖြစ်ဘဲ နေနိုင်ကြမယ့် အလားအလာတွေလည်း ရှိနေပါတယ်။ ဒါဟာ နိုးနိုးကြားကြားနဲ့ သွက်သွက်လက်လက် လှုပ်ရှားပြီး နေနိုင်ကြမှာပါ။ ဒီသဘောကို “အသက်ကြီးရင့်မှုဆိုင်ရာ အဖွဲ့ကြီး”ရဲ့ သုတေသနပညာရှင်ဖြစ်သူ ဂျော့(ခ်ျ)၊ အက်စရော့(သ်) (George S. Roth)က ပြောပြထားပါတယ်။ ဒီကိစ္စနဲ့ပတ်သက်ပြီး ကျန်းမာချမ်းသာစွာနဲ့ ပိုပြီး အသက်ရှည်ရှည်
နေသွားနိုင်စေမယ့် နည်းလမ်းတချို့ကို ဖော်ပြပေးလိုက်ပါတယ်။
Show/Hideခပ်များများ လျှော့စားပါ---
ခပ်ဝဝဖြစ်နေတဲ့ ကိုယ်ခန္ဓာကို ချပ်ချပ်ရပ်ရပ် ဖြစ်သွားအောင် အလေးချိန် လျှော့ချတာဟာ (အနေတော်ရှိလျက်နဲ့ အရိုးပေါ် အရေတင်ဖြစ်အောင် အငတ်ခံခြင်းမဟုတ်) ရောဂါမဖြစ်စေဖို့ ကာကွယ်ပါတယ်။ ကာလိုရီ ထိန်းချုပ်ခြင်းဆိုတဲ့ စားတဲ့ပမာဏကို လျှော့ချပေးခြင်းဟာ အိုမင်းရင့်ရော်ခြင်း ကိုပင် တုံ့ဆိုင်းသွားစေနိုင်ဖွယ် ရှိပါတယ်။ ကြွက်များကို ကာလိုရီအလွန်နည်းတဲ့ အစားအစာတွေ
ကျွေးကြည့်တဲ့အခါမှာ ဆီးချိုမဖြစ်၊ အဝလွန်တာတွေ ဖြစ်မလာတော့ဘဲ သူတို့အထဲက အနည်းအကျဉ်းသာ ကင်ဆာဖြစ်ပါတယ်။ ဒါတွေဟာ ငြင်းလို့မရတဲ့ တွေ့ရှိချက်တွေ ဖြစ်ပါတယ်။
လူတွေမှာလည်း ဒီအတိုင်းပဲ ဖြစ်မယ်လို့ ကျုပ်တော့ ယုံကြည်တယ်-လို့ ဒေါက်တာရာဗတ်ဆန် (Dr. Ravussin, PHD, PROF at Pennington Biochemical Research Center in Baton Rouge, Louisiana) က ပြောပြပါတယ်။ သူ့ရဲ့ လေ့လာချက်အရ လူတွေဟာ ကယ်လိုရီစားသုံးမှုကို (၂၅)ရာခိုင်နှုန်း လျှော့ချလိုက်ရင် မျိုးရိုးဗီဇပျက်စီးမှုဟာ သာမန်ထက် လျော့သွားပြီး အင်ဆူလင် (Fasting Insulin) နဲ့ ကိုယ်အပူအချိန်ဟာ လျော့စေပါတယ်။ ဒီနှစ်မျိုးဟာ အသက်ရှည်ရေးနဲ့ ဆက်နွှယ်နေပါတယ်။
ကယ်လိုရီစားသုံးမှုကို ထိန်းချုပ်ရတာဟာ မလွယ်လှပါဘူး။ ခင်ဗျားအနေနဲ့ သာမန်ထက် 25% မှ 40%အထိ လျှော့စားရမှာပါ။ သကြားနဲ့ အဆီတွေ လျော့နည်းပြီး စားသမျှအစာတွေဟာ အာဟာရ အလွန်ပြည့်ဝတဲ့ အစာတွေ ဖြစ်ရပါလိမ့်မယ်။ ပုံမှန်ညစာဆိုရင် ဆာမွန်ငါး ၂-အောင်စ၊ ဘရိုကိုလီခေါ်တဲ့ အစိမ်းရောင် ပန်းဂေါ်ဖီ တမြောင်းနဲ့ ဂျုံကြမ်းခေါက်ဆွဲ တခွက်မှာ ခရမ်းချဉ်သီး နေလှန်းခြောက် ၆-ခု၊ ရှိတာကေမှို ၅-ပွင့်၊ စပဲဂက်တီ (အီတလီခေါက်ဆွဲ) ၁/၂ ခွက် ပါဝင်မှာပါ။
မိတ်ဆွေတွေဖွဲ့၊ အိမ်ထောင်ပြု၊ ခွေးတကောင်မွေး---
ဒါတွေက ပေါင်းသင်းဆက်ဆံရေးဆိုင်ရာ ပံ့ပိုးမှုများ ဖြစ်ပါတယ်။ မိတ်ဆွေတွေ၊ မိသားစုတွေ၊ အိမ်နားနီးချင်းတွေနဲ့ လုပ်ဖော်ကိုင်ဖက်တွေ ရှိတာဟာ အသက်ကြီးလာတဲ့အခါမှာ ခင်ဗျားရဲ့ သွေးထဲမှာ လေဖြတ်, နှလုံးရောဂါ ဆိုတာတွေ မဖြစ်အောင် ကာကွယ်တတ်ကြပါတယ်။
အိမ်ထောင်ပြုလိုက်ခြင်းဟာလည်း ဇရာတားနည်း တမျိုးပါပဲ။ အိမ်ထောင်ပြုရင် ယောက်ျားများမှာ အသက် ၇-နှစ်လောက် ပိုရှည်တတ်ပြီး အမျိုးသမီးများမှာ ၃-နှစ်လောက် ပိုပြီး နေရတတ်ပါတယ်။
ခွေးတို့၊ ကြောင်တို့ မွေးတာဟာလည်း စိတ်ဖိစီးမှု လျော့စေပြီး သွေးတိုးကျစေတတ်ပါတယ်။ လေဖြတ်ပြီး မသေဘဲ ရှင်ကျန်သူများဆိုရင်လည်း သာမန်ထက် အသက်ပိုရှည်စေပါတယ်။
လှုပ်လှုပ်ရှားရှား နေပါ---
အသက်တွေ ပိုရှည်ပေမယ့် နာမကျန်းဖြစ်နေရင် ဒါမှမဟုတ်-မသန်မစွမ်း ဖြစ်နေမယ်ဆိုရင် ဘဝဟာ ပျော်ရွှင်ကျေနပ်စရာ မကောင်းနိုင်ပါဘူး။ ဘဝတန်ဖိုး မရှိလှဘူးပေါ့။ ကံကောင်းနိုင်တာက အသက်နည်းနည်းရလာရင် လေ့ကျင့်ခန်း လုပ်ပေးတာဟာ နေရသမျှ ဘဝရဲ့တန်ဖိုး ပိုတက်လာစေနိုင်ခြင်းပဲ
ဖြစ်ပါတယ်။ ပြေးတာတို့၊ အနှေး ပြေးတာတို့အထိ မလိုအပ်ပါဘူး။ ခပ်သွက်သွက် လမ်းလျှောက်ပေးတာနဲ့ပဲ ကျန်းမာရေး အကျိုးကျေးဇူးတွေ ရရှိလာမှာ ဖြစ်ပါတယ်။ တနေ့မှာ မိနစ် ၃၀-လောက် လမ်းလျှောက်ဖို့ မှန်းထားပါ။ တကြောတည်း လျှောက်နိုင်ရင်လည်း လျှောက်ပါ။ ဒါမှမဟုတ်ရင်လည်း ၁၀-မိနစ်လောက် ၃-ခါခွဲပြီး လျှောက်ရင်လည်း ရပါတယ်။ ဒါ့အပြင် (Resistance Training) လို့ခေါ်တဲ့ အားစိုက်ပြီး ဆွဲတင်၊ ဆွဲမ၊ တွန်းတင်၊ ထိုင်ထ အစရှိတဲ့ လေ့ကျင်ခန်းတွေနဲ့ အေရိုးဗစ် လေ့ကျင့်ခန်းတွေလည်း လုပ်ပေးပါ။
စပျစ်ဝိုင် အနီ ခပ်ကြည်ကြည်---
စပျစ်ဝိုင်အနီမှာ ပါတဲ့ ရက်စ်ဗာရေထရိုးလ် (Resveratrol) ဓာတ်ဟာ ဇရာကို အတော်ကလေး တားဆီးနိုင်ပုံရပါတယ်။ သုတေသနများရဲ့ ညွှန်ပြပုံက သူ့ကို သောက်သုံးခြင်းဟာ ကာလိုရီစားသုံးမှု ကန့်သတ်တာလိုပဲ၊ ဆာလောင်မွတ်သိပ်မှု မရှိဘဲ အသက်ပိုရှည်စေတဲ့ အာနိသင်တွေ ရှိနေပါတယ်။ သတိထားစရာတော့ ရှိပါတယ်။ သောက်သုံးသင့်တယ်ဆိုတဲ့ ပမာဏဟာ အတော်များပါတယ်။ ဒါကြောင့်လည်း အလားတူ ထိရောက်မှုရှိတဲ့ ဆေးလုံး ထုတ်ဖို့ ကြိုးစားနေကြပါတယ်။ အဲဒီဆေးလုံး မရနိုင်သေးမီမှာတော့ ညစာနဲ့အတူ ဝိုင်အနီ အနည်းငယ်ကို အရသာခံပြီး သောက်ပေးရင် သိပ်မဆိုးဘူးလို့ ဆိုရမှာပါ။
အကျိုးရှိရှိ အိပ်ပါ---
အိပ်မပျော်နိုင် ဖြစ်နေသလား၊ ခင်ဗျားလို ပရိသတ်အများကြီး ရှိပါတယ်။ အာရှတခွင်က လူသန်းပေါင်း များစွာတို့ဟာ အားပြန်ပြည့်အောင် အိပ်ပျော်ရေးမှာ အခက်တွေ့နေကြရပါတယ်။ မကြာသေးမီက ပြုလုပ်ခဲ့တဲ့ သုတေသနအရအိပ်ပျက်ခြင်းနဲ့ ကျန်းမာရေး ပြဿနာများရဲ့ ဆက်စပ်ပုံတွေကို လေ့လာခဲ့ကြရာမှာ
သွေးတွေတိုး၊ ကိုယ်အလေး တက်နဲ့ဆိုတော့ အိပ်စက်မှု အလေ့အထကို ဂရုစိုက်ပြီး ပြုပြင်သင့်ကြောင်း သိလာရပါတယ်။ ဒါပေမဲ့ ဘယ်လိုလုပ်ကြရမှာပါလဲ။
ခင်ဗျားအနေနဲ့ ဆေးဝါးတွေ မှီဝဲကြည့်ဖူးမှာပါ။ ကဖိန်းတို့၊ နီကိုတင်းတို့ အရက်တို့ကို ဝေးဝေးရှောင်ရမယ် ဆိုတာတော့ သိပြီးသား ဖြစ်မှာပါ။ ပြီးတော့ အိပ်ရာမဝင်မီ ၂-နာရီအတွင်းမှာ ကာယလေ့ကျင့်ခန်း ပြင်းပြင်း ထန်ထန်တွေ မလုပ်သင့်ပါဘူး။ အစားတွေ များများမစားသင့်ဘူးဆိုတာလည်း ကြားဖူးနားဝ ရှိပြီးသား ဖြစ်မှာပါ။ ပြီးတော့ အချိန်မှန်မှန်အိပ်၊ အချိန်မှန်မှန်ထ ဆိုတဲ့ အချိန်ဇယားနဲ့လည်း ကြိုးစားခဲ့ပြီး ဖြစ်ချင်ဖြစ်မှာပါ။ ဒီကိစ္စမှာ ကျွမ်းကျင်တဲ့ ပညာရှင်များက ခင်ဗျား မကြားဖူးသေးတဲ့ အိပ်ပျော်စေမယ့် နည်းလမ်းကလေးတွေ ပေးထားပါတယ်။
စိတ်ပူပန်မှုတွေ ထွက်သွားအောင် လုပ်ပါ---
စိုးရိမ်ပူပန်မှုတွေဟာ တိတ်ဆိတ်တဲ့ ညအခါမှာ ပိုပြီး ပုံကြီးချဲ့သလိုမျိုး ဖြစ်လာတတ်ပါတယ်။ အဲဒါကို ဖြေရှင်း လိုက်ရင် အိပ်ပျော်စေဖို့ အကူအညီ ရသွားနိုင်ပါတယ်။ စိုးရိမ်ပူပန်စရာတွေကို အိပ်ရာမဝင်မီမှာ “ဒါတွေလုပ်ဖို့လိုတယ်၊ ဒါတွေကို ဘယ်တော့ပြီးအောင် လုပ်ဖို့လိုတယ်”စသည်ဖြင့် စာရွက်ပေါ်မှာ
ရေးချကြည့်ခြင်းဟာ ဒီပြဿနာကို ပိုပြီး ကိုင်တွယ်စေနိုင်တတ်ပါတယ်။
သက်သောင့်သက်သာ ရှိစေဖို့အတွက် တခုခုကို လုပ်လိုက်ပါ။ သင့်ဘဝ ကြင်ဖော်ကို နှိပ်ပေးဖို့ ခိုင်းချင်လည်း ခိုင်းကြည့်ပါ။ ခြေထောက်ကစပြီး ဦးခေါင်းအထိပေါ့။ ဒါမှမဟုတ်ရင်လည်း သာမန်ယောဂ လေ့ကျင့်ခန်း ကလေးတွေကို စမ်းကြည့်ချင်ရင်လည်း စမ်းကြည့်ပါ။ ခြေနှစ်ဖက်ကို ခါးအကျယ်လောက် ခွါပြီးရပ်၊ ခေါင်းကို ရှေ့သို့ ကိုင်းညွှတ်ချ၊ ဦးခေါင်းနဲ့ လက်တွေကို တွဲလောင်းချပြီး လည်ပင်းနဲ့ပုခုံးထဲက တင်းကျပ်မှုတွေကို လွှင့်ထုတ်ပစ်လိုက်ပါ။ ဒါမှမဟုတ်ရင်လည်း ပက်လက်လှဲချလိုက်ပြီး ခြေထောက်မှ စပြီး နဖူးအထိ တဆင့်ပြီးတဆင့် တင်းပေးလိုက်၊ လျှော့ပေးလိုက် လုပ်လုပ်ပြီး ကြွက်သားတွေကို အဆင့်ဆင့် ပြေလျှော့ပေးတာမျိုး လုပ်ပေးပါ။
မကြာခဏ သမ်းဝေနေပါသလား၊ ကျွမ်းကျင်သူအချို့ရဲ့ အဆိုအရ ဒါဟာ ဦးနှောက်ကို အောက်ဆီဂျင်
ရောက်ရှိမှု မလုံလောက်လို့ ဖြစ်ရတာမျိုးပါ၊ နက်နက်ရှိုင်းရှိုင်း အသက်ရှူထုတ် လေ့ကျင့်ခန်းကို လုပ်ကြည့်ပါ။ ရင်ထဲဝမ်းထဲကို လေတွေ ဝင်နိုင်သလောက်ဝင်အောင် ရှူလိုက်ထုတ်လိုက်နဲ့ လုပ်ပေးရင် တင်းကျပ်နေတဲ့စိတ်တွေ လျော့ကျသွားပြီး သမ်းဝေခြင်းတွေ ထွက်ပြေးတော့မှာပါ။
သင့်အိပ်ရာကို တမျိုးပြင်ပါ---
အိပ်ရာကို အိပ်ရတာ ပိုကောင်းအောင်၊ အဆင်ပြေအောင် ပြင်ကြည့်ပါ။ အနီးအနားအခန်းက အသံတွေကြောင့် အိပ်မပျော်နိုင် ဖြစ်နေရင် အိပ်ရာကို အခြားတဖက် နံရံဆီကို ရွှေ့ပစ်လိုက်ပါ။ ပျော့ဖတ်ဖတ်ဖြစ်နေတဲ့
မွေ့ရာနဲ့ ခေါင်းအုံးတွေကို လှဲလယ်ပစ်လိုက်ပါ။ အိပ်ခန်းထဲမှာ ကွန်ပျူတာ ထားမှဖြစ်မယ်ဆိုရင်တောင် ကွန်ပျူတာကထွက်တဲ့ အလင်းရောင်ကို တခုခုနဲ့ အုပ်ထား၊ တားထားလိုက်ပါ။
အကယ်၍ တယ်လီဗေးရှင်းကို ဖွင့်ထားရင်းနဲ့ အိပ်ချင်တယ်ဆိုရင်လည်း သူ့ဘာသာသူ ပိတ်သွားစေတဲ့ ခလုတ် (Timer) ကို နှိပ်ထားလိုက်ပါ။ ခြိုးခြိုးချွတ်ချွတ် အသံထွက်စရာ ရှိသမျှတွေကိုလည်း အသံမထွက်အောင် လုပ်ထားလိုက်ပါ။ တိတ်ဆိတ်ချိန်မှာ ဒီအသံမျိုးကလေးတွေက အတော်ဒုက္ခပေးတတ်ပါတယ်။ ဖြစ်နိုင်ရင် မိမိအတွက် သင့်တော်မယ့် အအေးဓာတ်-အနွေးဓာတ် ရအောင် အိပ်ခန်းရဲ့ အပူအအေးကို သေချာ ညှိထားပါ။ လူတွေဟာ အပူအအေးကြိုက်ပုံ မတူတတ်ကြပါဘူး။
ညဘက်မှာ အလင်းရောင်တွေ လျှော့ချထားပါ---
အလင်းရောင်များနေတာဟာ ဦးနှောက်ကို နိုးကြားမှု ဖြစ်စေတတ်ပါတယ်။ အိပ်ရာမဝင်မီ ၂-၃ နာရီကြိုပြီး မီးရောင်တွေကို လျှော့ချပစ်ပါ။ အိပ်ရာဝင်ချိန်မှာ မီးရောင်ဟာ မြင်သာရုံထက် မပိုတာ အကောင်းဆုံး
ဖြစ်ပါတယ်။ ခင်ဗျားရဲ့ အိပ်ရာပေါ်ကို နေရောင် လရောင်၊ လမ်းမီးရောင်တွေ တိုက်ရိုက် မကျအောင် စီစဉ်ထားသင့်ပါတယ်။
အိပ်ပျော်ခြင်းနဲ့ နိုးထခြင်းတို့ရဲ့ တလှည့်စီ လည်ပတ်နေမှုကို အချိန်နှင့်တကွ ဦးနှောက်မှာ စွဲသွားအောင် အိပ်ရာက ထတာနဲ့ တနာရီအတွင်းမှာ စူးရှတဲ့ အလင်းရောင်တွေနဲ့ နေလိုက်ပါ။ မိနစ် ၃၀-လောက် အပြင်ထွက် လမ်းလျှောက်ပါ။ ဒါမှမဟုတ်ရင်လည်း အလင်းရောင် အများဆုံးရတဲ့ အိမ်ရဲ့ အစိတ်အပိုင်းမှာ နေလိုက်ပါ။
မိနစ် ၂၀-စည်းမျဉ်းကို လိုက်နာပါ---
အိပ်ရာဝင်ပြီးလို့ မိနစ် ၂၀-လောက်ကြာလို့မှ အိပ်မပျော်နိုင်ရင် (တရေးနိုးပြီး ပြန်အိပ်တာ အပါအဝင်) တခြား အခန်းတခုထဲကို သွားပြီးတော့ အိပ်ငိုက်လာတဲ့အထိ တခုခုကို လုပ်နေလိုက်ပါ။
“မိမိရဲ့ အိပ်ရာဟာ အိပ်စက်ခြင်းနဲ့သာ ဆက်နွယ်မှုရှိရမှာ ဖြစ်ပါတယ်။ လှုပ်ရှားတက်ကြွမှုများနဲ့ မဆက်နွယ်စေသင့်ပါဘူး” လို့ ဒေါက်တာ ကူရှိဒါ (Dr. CLETE RUSHIDA, DIREDTOR OF THE STANFORD UNNERSITY CENTER FOR HUMAN SLEEP RESEARCH) က ပြောပါတယ်။ မိနစ် ၂၀-ရယ်လို့သာ မှန်းပါ။ နာရီကို မသုံးပါနဲ့။ အဲဒါမျိုးက နိုးကြားမှုနဲ့ အာရုံစူးစိုက်ရမှုတွေ ဖြစ်ရစေတတ်လို့ပါ။
အာရုံစူးစိုက်ရတာမျိုး၊ ဥပမာ-အားစိုက်လုပ်ရတဲ့ ကာယလေ့ကျင့်ခန်း၊ သန့်ရှင်းရေးအလုပ်၊ ဒါမှမဟုတ် စိတ်လှုပ်ရှားစေတဲ့ သတင်းတွေ ကြည့်ရှုနားထောင်တာမျိုးတွေကို ရှောင်ကြဉ်ပါ။ စိတ်လက်ပေါ့ပါးစွာ ဖတ်ရတဲ့ စာမျိုး ဖတ်တာတို့ ၊ တေးဂီတငြိမ့်ငြိမ့်ကလေးကို နားထောင်တာတို့ကို လုပ်ကြည့်ပါ။
