ခွဲခွာမယ့်ရက်တွေ နီးကပ်လာတော့
စိုးရိမ်ခြင်းစိတ်တွေ ပြည့်နှက်လာပြီပေါ့....
မောင်ရယ်...ခွဲသွားမဲ့အစား
ဒီလူ့ကိုသတ်သွားတာမှ
နေသာရှိအုံးမယ်.......
အခုတော့...ခွဲခွာခြင်းရဲ့နောက်မှာ
မျက်ရည်စတွေလိုက်ပါနေတော့
ချစ်တယ်ချစ်တယ် ပြောတဲ့စကားလုံးတိုင်းဟာ
အဆိပ်သင့်တဲ့ငှက်တစ်ကောင်
အတောင်ပံတစ်စုံ ကျိုးသွားသလို
ဘာမှ...ဘာမှ အဓိပ္ပါယ်မရှိတော့ဘူး...
မောင်ရယ်...မရက်စက်လိုက်ပါနဲ့နော်
မောင်က...မ ဘ၀အတွက်
မရှိမဖြစ်မို့ ဖြစ်နိုင်တယ်ဆို
တစ်ခုသာပြောလိုက်ချင်တယ်
မထားခဲ့လိုက်ပါနဲ့လို့ .....
မောင်ရယ်...ဖျောက်ဖျက်လို့မရတဲ့
ရင်ခုန်သံတိုင်းမှာ
မောင်ရဲ့အပြုံးလေး.....ကို
တောင်တနေတော့
တစ်ခါတစ်ခါ
သူကြားအောင်ပြောပြောနေရတယ်
အပြုံးပိုင်ရှင် မောင်တစ်ယောက်
ပြန်လာမှာလို့လေ......!
ဲပြန်လာပါမောင်ရယ်
တစ်ယောက်သောဘ၀ဟာ...
အမှောင်ညတွေ ဖြတ်ကူးရသလို
ဂေါက်တောက်တောက်နဲ့မို့
ညညဆိုထထအော်အော်နေတယ်
မောင်...မောင်လို့....ပေါ့
မောင်ရယ်....ဖြစ်နိုင်ရင် အာခံတွင်းမှာ
ဖွဖွလေး ၀ှက်ထားချင်တယ်
အဝေးတစ်နေရာ
ပြေးထွက်မသွားအောင်လို့လေ....
ဒါပေမယ့်....ဖြေသိမ့်စကား
ရင်ထဲမှာဝင်လာခဲ့တယ်
မပြည့်စုံတဲ့ဘ၀မှာ
မတွေ့ဆုံရတာ
မဆန်းဘူးတဲ့လေ......
မှန်ပါတယ်...ဒါပေမယ့်
အရာရာကို ချစ်တဲ့စိတ်
ခွင့်လွှတ်စိတ်နဲ့
မောင်ရယ်ထားခဲ့ပါတော့
တားကာမနေတော့ဘူး
ဒီမှာရူးလဲရူးပါစေတော့
နောက်ကိုလှည့်မကြည့်ပါနဲ့တော့
မောင်ရယ်...သတိရရင်တော့
ဖုန်းလေးကိုအသက်သွင်းထားလိုက်မယ်နော်
ဖုန်းသံကိုနားစိုက်ထောင်ရင်း.....
ကဲ..ငါအတွက်တော့အသက်ဆက်ဖို့
ဖုန်းတစ်လုံးသာရှိခဲ့တာပါလား
မောင်ရယ်...ကျေနပ်ပါတယ်
ကျေနပ်နေမယ်နော်...
0 comments:
Post a Comment